Оё суруди муштараки Ҷонибеку Улуғбек ҳамчун суруди “Дӯстон” шӯҳратёр мешавад?

Намоҳанг ва суруди навбатии муштараки Ҷонибек Муродов бо сарояндагони ӯзбек нашр гардид. Сарояндаи муваффақи кишвар ин бор бо ҳунарманди номии Ӯзбекистон Улуғбек Раҳматуллоев суруди муштарак сароид.
Суруд “Боре бедорам” ном дошта, онро айни ҳол дар YouTube зиёда аз 700 ҳазор нафар тамошо кардаанд.
Ёдовар мешавем, ки Ҷонибек Муродов, яке аз аввалин сарояндагони тоҷик буд, ки пас аз гарм шудани муносибатҳои Тоҷикистон ва Ӯзбекистон бо сарояндаи ӯзбек Сардори Раҳимхон таронаи муштарак бо номи “Ҷон дӯстон” сароида буд. Таронаи мазкур дар минтақа хеле машҳур шуд. Ягон тӯйу маросиме набуд, ки бидуни суруди мазкур гузарад.
Суруди мазкурро дар портали YouTube зиёда аз 6 миллион нафар тамошо кардаанд.